全島口説（ぜんとうぐどぅき）

【歌詞】

1
島ぐゎぬ太（ふで）さや徳之島
浜ぐゎぬ長さや長汐よ
浦ぐゎぬ深さや鹿浦（しぎゃうら）ど
坂ぐゎぬ高さやしぬき坂（び）ぐわ
むいぐゎぬきゅらさやいさんだむいど

2
いさんだむいど
村ぐわぬはい散りどうや伊仙（いせん）村ど
馬（ばく）ろうぬまんどんどぅば伊仙ばくろう
海老角牛ぬ出来ぎゅらさや検福（くえんぽ）村ど
那覇旅近きゃさんどや面縄（うん）ぬ村ど
遊んで珍らしや喜念（きねん）目手久

3

6喜念・目手久
浜ぐわぬきゅらさや本川浜（ほんごはま）ど
浦ぐわぬ長さんば本川ぬ村ど
役手（やくて）ぬまんどんどうや亀津やしが
御飯（うぱん）ぬふしさんば亀津やんきち飯（ぱん）

4
亀津やんきち飯
坂（ひら）ぐゎぬ高さや秋津坂（あきちゅびら）ど
寺ぐわぬきゅらさや和瀬（わせ）ぬ寺ど
池ぐわぬ太さや諸田（しょだ）ぬ池ど
縮毛頭ぬまんどんどうや神之嶺（かに）縮毛頭
かて売りまんどん どうや井之（いの）かて売り

5
井之ぬ村よ
辛しゅとれやしどんや母間（ぶま）ぬ村ど
村ぐゎぬ長さんば母間ぬ村ど
畳ぬ出来ぎゅらさや花徳（けど）ぬ畳
米ぐわぬ出来やしどうや轟（とどろき）ど
きゅらむんぬまんどろどうや山（さん）ぬ村ど
きゅらむんぬ抱きやしどうば山ぬ村ど

6
山村よ
岬ぬ長さや金見岬（かなみさき）
蘇鉄（すてぃち）ぬまんどろどうや手々（てて）ぬ村ど
稲摺（しるし）ぬ太（ふで）さや与名間稲摺（よなまじるし）
地豆ぬとれやしどうや松原ど
蚊（がじゃん）ぬまんどろどうや前野（めめ）蚊

7
前野村よ
田袋ぬきゅらさや岡前田袋 （うわじんたーぶく）
塩（ましゅ）ぬ炊きやしどんや湾屋ぬ村ど
喧嘩（とれ）牛出ぢゃしゅんどうや浅間村ど
二才ぬまんどろどんや阿布木名（あぶきな）ど
村々入り混みどうや平土（へとの）野村ど

8
平土野村よ
竹やぶまんどろどうや兼久（かにく）村ど
眺めてきゅらさや犬（いん）ぬ門（じょう）ふた
村ぐわぬ狭（せば）さや大津河（ふちこ）村ど
使牛闘ろしゅんどうや瀬滝（せたけ）村ど

9
瀬滝村よ 川ぐわぬ太さや秋利神（きぎゃん）川ど
坂ぐわぬ高さやうしこ坂ぐわ
松ぐわぬ立ちぎょらさや阿木名ど
芭蕉山まんどろどんや小島村ど
暗川（くらご）ぬ流れてんどんば小島暗川

10
小島暗川
霧かしうれゆんどうや糸木名（いちゅきな）ど
朝飯遅（ねいしやるどんな）さどんや河地（こうち）村ど
手ぐわぬはるちなぎや崎原（さきばる）ど
魚夫ぬまんどんどうや上晴（とばる）魚夫
麦豆出来やしどうや犬田布村ど
くりぃから南（はい）かち呼でぬきら

11
呼でぬきら
金持ちまんどろどうや阿権（あごん）ぬ村ど
たーむじ出来やしどうや白井（しり）と中山（ねま）ど
村ぐゎぬ浮上りどうや尾母（おも）ぬ村ど
塩ぬたぢなさんどんば尾母ぬ村よ
くりぃから北（にし）かち呼でぬきら

12
呼でぃぬきら
坂（びら）ぐゎぬ高さや八重竿坂（やえじょびら）ど
しょうがぬ出来やしどんば八重竿村ど
水ぐわぬきゅらさや三京と石切溜 （いしきりゆる）
荒畑（あればた）ちっきあげとろ美名田（みなだ）・石原 （いしやら）
からすぬ宿とりどうや当部（とうべ）村ど
からすぬ宿とりどうや当部村